De Lehrer ekläät de Goofe d'Reptilie. Das seiids Tiere, wo nüd chönid stoh ond laufe ond gad uff em Bode omechrüüchid, ond öb nebed ees chenni. «Minn andehalbjährige Brüeder», rüeft s'Meianneli. D'Katrii frooged am Jock: «Du, vo wem het doch öseri Meedl ehres bös Muul?» Do säät de Jock: «Vo deer am nüd, du hesch es no.» Em Hampedischt sim Chopf inne het nomme gäär als gstimmt. Emol ischt de Landamme uf Bsuech choo ond het gfroged. «Chenntscht mi, i bi de Landamme?» Doo säät de Hampedischt: «Grad e deweg hets bi meer au aagfange.» z'Appezell isch emol en Pur vermisst worde. Er sig schints bim Erdbeeri abläse ab em Leiterli gheit. Noch drüü Tag isch er denn wieder füre cho - z'Basel im e Birchermüesli. Im Tram sitzt en Maa gegenüber von ere junge, elegante Frau. Er lueget si all wieder aa, vo zoberscht bis zonderscht ond vo zondrscht bis zoberscht. Si häd da gär nöd gärn gkaa, ond zmool seid si: Sii, Si mönd mi wieder aalegge, i mos bi de nöchschte Stazioo uusschtiige. En Appezeller, änn vo de Clinere, hät z'Basel onn in ere Wertschaft en Teller Chuttle bschtellt. Er häd die Chuttle eerbe schnell übechoo. Noch emene Wiili chonnt de Wert an Tisch heri ond seid echli spitzig. " De Gröössi aa sit Ihr en Appezeller." Doo määnt de Appezeller: "Jo, ond Du de Chuttle-n-aa en Sauhond.
	STT Schoch Treuhand Team AG, Sihlstrasse 95, 8001 Zürich, Tel. 044 298 82 82, Fax 044 298 82 80, info@stt.ch